Fèmen Radio Zénith 102.5 ap yon katastwòf anplis ke pouvwa a ap pwovoke. Menm moun ki pat ladann ap antre. TNH, RNH p ap fè mye pase Radio Zénith sou bann FM lan. Tout ap defann kan pa yo san respè pou metye jounalis la.

Mwen pa site radyo prive yo k ap defann pouvwa a san okenn etik pou yo pa di se konpetisyon malsèn. Men si nou vle rete objektif,  tande yo parapò ak sa k ap pase, epi n ap wè Zénith se yon repons ak jan y  ap fè laprès tounen jodi a. Se pou nou  gen kouraj kritike tout medya an 2004 ki t ap lage san okenn retni kont pouvwa Aristide la, ki jodi a ap krache sou sa k ap pase nan peyi  a kounye a.

Gen yon  ipokrizi ki dwe fini. Tout sa nan chanje sistèm lan. Zénith ap bon, lè  lòt ki gen lajan pou sa ap fè yo konprann peyi a kraze nan men nou fòk  gen yon lòt près.

Fèmen radyo pa asire pouvwa. Mande moun ki te  boule emetè radyo yo an 2004 si Prezidan yo a te rete. Sispann fè menm  erè yo. Konatèl pa gen pwovizyon legal pou fèmen radyo. Dayè, se pa li ki bay radyo, se Ministè enteryè.

• Anpil reyaksyon sou menas Pouvwa anplas la pou l fèmen Radio Zénith?

Radio Zénith pa nan tout peyi a.  Alòske tout kote te bloke. Sispann voye salami nan desizyon yo. Chèche  moun serye met bò kote nou pito, retire landyèz, tripotye yo. Menmsi yo  gen gwo diplòm, se tripotay ki baz prezans yo bò kote nou.

• Yvenert Foeshter JOSEPH
  jyvenert@yahoo.fr